Նախագծի նպատակն է սովորողին ծանոթացնել փոքրիկ, լրացնող հմտությունների, որոնք կօգնեն ավելի հեշտ առօրյայում կիրառել ջինսե հագուստները: Նախագծի ընթացքում կսովորեն տիրապետել նաև ոճերի համադրության գաղտնիքներին ու նոր նյութերով աշխատելու հմտություններին:
Քայլ 1
Հիշում ենք, թե ինչ ջինսե հագուստներ ունենք մեր զգեստապահարանում ( նախընտրելի է տաբատներ, կիսաշրջազգեստներ և պիջակներ): Այնուհետև էսքիզներ ենք անում՝ պատկերացնելով, թե ուրիշ ինչ ձևով ենք ուզում այն կրել: Փորփրում ենք համացանցը, կարծիքներ ենք փոխանակում: Մտածում ենք, թե ինչ սիրելի աքսեսուարներ ունենք կամ ինչ կարող ենք ստեղծել տեղում, որոնք կօգնեն լրացնել ու փոփոխել մեր՝արդեն իսկ կիրառվող ոճը. օրինակ՝ գլխարկ, ակնոց, գոտի, զարդեր, վզկապ և այլն:
Քայլ2
Արդեն բերված հագուստներն ու աքսեսուարները փորձում ենք համադրել: Խոսում ենք գույների, ծավալների, ոճերի, դրանք միասին օգտագործելու հնարավոր տարբերակների մասին: Մտածում ենք, թե որ տարբերակին ինչ սանրվածք ու դիմահարդարում հարմար կլինի:
Քայլ 3
Վերջնական էսքիզներ ենք անում, ընտրում մի քանիսը, մշակում դրանք: Տեղում պատրաստում ենք փոքր լրացնող աքսեսուարներ՝ օղեր, գլխարկի զարդ, պիջակի գրպանի զարդ-թաշկինակ և այլն: Այստեղ հարկավոր կլինեն նյութեր՝ ֆետր, թուղթ, լար, փոքր կտորներ, փետուրներ, ուլունքներ, ժապավեններ, մկրատ, թելեր և այլն:
Ամբողջ ընթացքը լուսանկարում ենք, տեղադրում մեր բլոգերում:
Քայլ4
Որոշում ենք, թե որտեղ ենք ցուցադրելու, ընտրում ենք երաժշտությունը:
Քայլ5
Ցուցադրում ենք, լուսանկարում ենք, վերջում խոսում ենք մեր տպավորությունների մասին, մտածում, թե մյուս անգամ ինչ հետաքրքիր նախագիծ կարելի է անել: