Ես իմ ճամբարում հանձնել եմ ստուգատեսներ, իմ համար ամենալավը լողի և մարմնամարզության ստուգատեսներն էին:
Ես մասնակցեցի դիջի պապի հայտարարած մրցույթին: Ձմեռային արձակուրդներին իմ նկարներից պատրաստեցի երաժշտական բացիկ և ուղարկեցի:
Հետո մենք նկարեցինք ձյան վրա: Ես նկարեցի սմայլիկ:
Մենք գնացինք Ջրվեժի արգելոց և սահնակ քշեցինք: Հրաշալի՜՜՜՜՜՜ էր.
Մենք արեցինք բնագիտական փորձ:
Դդումը շատ առողջարար բանջարեղեն է և հարուստ է վիտամինններով՝ C, B, E, PP ու նույնիսկ հազվագյուտ վիտամիններով՝ T և K:
Բացի դրանից՝ այն պարունակում է նաև այնպիսի միկրո- և մակրոէլեմենտներ, որոնք անհրաժեշտ են օրգանիզմի նորմալ նյութափոխանակության համար:
Դիետոլոգները խորհուրդ են տալիս հաճախակի օգտագործել դդում, քանի որ այն դիետիկ է և պարունակում է այնպիսի նյութեր, որոնք անհրաժեշտ են առողջ օրգանիզմ ունենալու համար: Այն հնարավորություն է տալիս առանց օրգանիզմը վնասելու նվազեցնել մարմնի ավելորդ քաշը:
Դդումն օգտակար է հատկապես ծերերի համար, քանի որ նրանց օրգանիզմը բավական թույլ է և հաճախ մարսողության հետ կապված խնդիրներ են առաջանում: Դդումն օգտակար է աղե-ստամոքսային հիվանդություններով տառապող մարդկանց համար:
Դդումն օգտակար է միզուղիների հիվանդություններով տառապողների համար: Լինելով միզամուղ միջոց՝ այն օրգանիզմից հեռացնում է ավելորդ աղն ու հեղուկը:
Դդմի սերմերը ևս ունեն օգտակար հատկություններ: Նրանցից քամված յուղը օգտագործում են տարբեր դեղամիջոցների արտադրության մեջ:
- Թվարկի’ր հեքիաթի հերոսներին:
- Ջուզեպպեն, քույրիկը, մայրիկը, հրացանը, կեռնեխը, փասիանը, նապաստակը:
- Նկարագրի’ր հեքիաթի հերոսներինեերին
- Ջուզեպպեն լսող էր, քույրիկը գեղեցիկ էր, մայրիկը լավն էր, հրացանը խելացի էր, կեռնեխը, փասիանը անհոգ էին, նապաստակը վախկոտ էր:
- Մի քանի բառով բնութագրի’ր մայրիկին:
- Մայրիկը լավն էր, սիրուն էր, սիրում էր իր երեխաներին, բայց չէր մտածում անտառի կենդանիների մասին:
- Քո կարծիքով ինչի՞ մասին էր հեքիաթը:
- Հեքիաթը ուզում էր մեզ հասկացնել, որ ինչպես մեր կյանքն է թանկ, այնպես էլ կենդանիներինը, որ մեր համար պետք չէ վտանգել կենդանիների կյանքը:
Ձմռան շունչը
Ձյուն է գալիս մեղմիկ-մեղմիկ
Փաթիլներով խոշոր, սպիտակ
Իջնում է ցած լուռ ու հեզիկ,
Ծածկում է դաշտ, անտառ ու ձոր:
Ներկում է նուրբ, կամաց-կամաց՝
Բնությունը սպիտակ գույնով
Եվ լցնում է խոր լռությամբ
Ասես քնած անտառ ու ձոր:
Ես հեքիաթի աղջիկն եմ, անունս`Մերի:
Դու ու՞մ հետ և որտե՞ղ կուզենայիր ապրել:
_Ռապունցելի և բարի փերիի հետ մորաքրոջս տանը:
Իսկ դու ի՞նչ կուզենայիր ունենալ գորգի տակ:
_Բարի փերի և Ռապունցել:
Ինչու՞:
_Որովհետև նրանք ինձ դուր են գալիս:
Քո կարծիքով ինչպիսի՞ն է երևակայական ձին:
_Երևակայական ձին գեղեցիկ է:
Իսկ վա՞գրը:
_Լավը:
Եթե ձեր գորգի տակ կապիկ ապրեր, ի՞նչ կանեիր:
_Բանան կտայի:
Պատմիր ձեր հյուրասենյակի մասին:
_Մեր հյուրասենյակը փոքրիկ է և հատակին գորգ է փռած, սակայն իմ երևակայական հերոսներն ապրում են իմ անկյունում:
Շարունակիր:
Ես բարձրացնում եմ գորգի ծայրն ու հայտնվում դրա տակ: Ինձ սպասում են Ռապունցելն ու Ձյունանուշը: Մենք միասին խաղում ենք: Խաղից հետո Ձյունանուշը մեզ պաղպաղակ է հյուրասիրում: Հետո մենք գարնանային ծաղիկներով զարդարում ենք Ռապունցելի վարսերը: Մեզ հյուր են գալիս թռչող պոնիները, մենք նստում ենք պոնիների վրա և թռչում: Եվ այսպես ամեն անգամ իրականանում են իմ գեղեցիկ երազանքները:
ՍՅՈՒԶԱՆՆԱ ԲԱՐԵՂԱՄՅԱՆ 